अनैतिक मानवी वाहतुक प्रतिबंधक कक्षास गुप्त बातमीदारा मार्फत खात्रीशीर बातमी मिळाली की मंठा चौफुली जालना येथील श्रीजी हॉटेलच्या पाठीमागे लक्ष्मीनगर काळु पिठाची गिरणी जवळील गंगासागर अपार्टमेंटमध्ये घर मालक हा स्वतःच्या आर्थिक फायदयासाठी बाहेरुन महिलांना आणुन त्या ठिकाणी ठेवुन बाहेरील ग्राहकांना बोलवुन त्यांच्या कडुन अनैतिक वेश्या व्यवसाय करीत असल्याची खात्रीलायक बातमी मिळाल्या वरुन सदर माहीती बाबत मा. पोलीस अधिक्षक सो यांच्याशी चर्चा करुन त्यांच्या सुचनेप्रमाणे स्थागुशाचे पंकज जाधव यांच्या मार्गदर्शनाखाली अनैतिक मानवी वाहतुक प्रतिबंधक कक्षाचे प्रभारी अधिकारी व स्टाफचे अंमलदार यांनी मिळालेल्या बातमीच्या ठिकाणी छापा टाकला असता, गंगा सागर अपार्टमेंट मधील दुसऱ्या मजल्या वरील मालक उत्तम केंद्रे (फरार) सुरेखा उत्तम केंद्रे वय – 42 वर्ष दोघेही रा. गंगा सागर अपार्टमेंट ता. जि. जालना ग्राहक अशोक विष्णु हावरे वय-24 वर्ष रा. रोहनवाडी ता.जि. जालना असे मिळुन आले त्यांच्या ताब्यात 5410/- रु किंमतीचा मुद्देमाल मिळुण. आला आहे. पोलीसांची चाहुल लागल्याचा अंदाज येताच वरील आरोपी यांनी संगनमत करुन दोन महिला व एक ग्राहक यास पळवुन लावले आहे. वरील फरार आरोपी ग्राहक व पळवुन गेलेला अज्ञात एक ग्राहक दोन अज्ञात महिला यांच्या विरुद्ध महीलांच्या
अनैतिक व्यापारास प्रतिबंध अधिनियम 1956 कलम 3,4,5,6 प्रमाणे प्रभारी अधिकारी ओ. मा.वा.प्र. कक्ष गणेश शिंदे यांनी दिलेल्या तक्रारीवरुन गुन्हा दाखल करण्यात आला आहे. गुन्हयाचा पुढील तपास पोलीस ठाणे तालुका जालना हे करत आहे.
सदरची कार्यवाही मा. पोलीस अधीक्षक तेघबीर सिंह संधु, अपर पोलीस अधीक्षक विक्रम साळी, उपविभागीय पोलीस अधिकारी जालना अनंत कुलकर्णी, पोलीस निरीक्षक पंकज जाधव (स्थागुशा) यांच्या मार्गदर्शनाखाली अ.मा.वा.प्र. कक्षाचे प्रभारी अधिकारी गणेश शिंदे, रवी जोशी, संजय गवळी, महिला अंमलदार संगिता चव्हाण, निमा घनघाव, आरती साबळे व चालक संजय कुलकर्णी यांनी केलेली आहे.