जालन्यातून एक धक्कादायक प्रकार उघडकीस आला आहे. इथे हॉटेलच्या नावाने एक वेगळाच प्रकार सुरु होता. अखेर पोलिसांनी संबंधित हॉटेलमध्ये धाड टाकली आणि सगळच भांड फुटलं आहे
जालना : जालना – मंठा रोडवरील रामनगर साखर कारखाना येथील साईच्छा हॉटेलवर हॉटेलच्या नावाखाली वेगळाच व्यवसाय मागील काही महिन्यांपासून सुरू होता. त्यामुळे परिसरातील रहिवाशांना याचा मोठा त्रास सहन करावा लागत होता. अखेर काही नागरिकांनी थेट पोलीस अधीक्षक अजय कुमार बंसल यांना गुप्त माहिती दिली. ही माहिती काल दिनांक 25 नोव्हेंबर 2025 रोजी देण्यात आली. या माहितीच्या आधारावर पोलिसांनी सदर हॉटेलवर आज संध्याकाळच्या सुमारास छापा टाकला. तर त्या ठिकाणी वेश्या व्यवसाय सुरू असल्याचे पोलिसांना आढळून आले.
पोलिसांनी छापा टाकला तेव्हा तिथे 4 पुरुष आणि 3 महिला आढळल्या. पोलिसांनी तात्काळ सर्वांना ताब्यात घेतलं. अनैतिक मानवी वाहतूक प्रतिबंधक कक्षाने तपास केला असता, साईच्छा हॉटेलचे मालक सुधाकर यादव हे स्वतःच्या आर्थिक फायद्यांसाठी त्यांच्या हॉटेल साईच्छावरील लॉजमध्ये बाहेरुन महिलांना आणून त्यांच्याकडून वेश्या व्यवसाय करीत आहे, हे तपासात समोर आले.
पोलिसांनी या प्रकरणी साईच्छा हॉटेलचे मालक सुधाकर यादव, मॅनेजर इश्वर बबनराव गायकवाड, पंडीत काळू राठोड, अक्षय एकनाथ बुरकुल अशा तीनही जणांना ताब्यात घेतलं. त्यांच्या ताब्यातून रोख 40 हजारांचा मुद्देमाल जप्त करण्यात आला. त्यांच्या विरुध्द पोलीस ठाणे मौजपुरी येथे महिलांच्या अनैतिक व्यापारास प्रतिबंध अधिनियम 1956 कलम 3, 4, 5, 6 प्रमाणे प्रभारी अधिकारी अ.मा.वा.प्र. कक्ष पोउपनि गणेश शिंदे यांनी दिलेल्या तक्रारीवरुन गुन्हा दाखल करण्यात आला आहे.
सदरची कार्यवाही पोलीस अधीक्षक अजय कुमार बंसल, अपर पोलीस अधीक्षक आयुष नोपाणी, उपविभागीय पोलीस अधिकारी परतुर आर.टी.रेंगे, पोलीस निरीक्षक पंकज जाधव (स्थागुशा) यांच्या मार्गदर्शनाखाली अ.मा.वा.प्र. कक्षाचे प्रभारी अधिकारी पोउपनि गणेश शिंदे, पोउपनि संजय गवळी, सपोउपनि एम. बी. वाघ (मौजपुरी पो. स्टे), पोहेको कृष्णा देठे पोहेकों सतीश गोफणे (मौजपुरी पो.स्टे), महिला अंमलदार संगिता चव्हाण, पुष्पा खरटमल, आरती साबळे, रेणुका राठोड व चालक पोलीस अंमलदार संजय कुलकर्णी यांनी केलेली आहे……
By MH JALNA NEWS, https://youtube.com/@mhjalnanewsmh21?si=Zm7sKJC-1ucQfJXH