अंबड: गेल्या तेरा वर्षांपासून अंधारात असलेल्या दाढेगाव येथील शेतकरी आणि शेतमजुरांच्या श्रीरामनगर वस्तीमध्ये अखेर प्रकाशाची वात पेटली आहे. भाजपा नेते श्री. सतीश घाटगे यांच्या विशेष प्रयत्नातून येथे ६३ केव्ही क्षमतेचे रोहित्र (ट्रान्सफॉर्मर) बसविण्यात आले असून, यामुळे वस्तीतील वीज पुरवठा सुरू झाला आहे.
भाजपा नेते सतीश घाटगे यांच्या हस्ते रविवारी या नवीन रोहित्राचे लोकार्पण करण्यात आले. वस्तीमित्र श्री. अंगद मिर्दुडे यांनी यासाठी सातत्याने प्रयत्न केले. दाढेगाव येथील श्रीरामनगर वस्तीला गेल्या १३ वर्षांपासून वीज नसल्यामुळे येथील ग्रामस्थ अंधारात जीवन जगत होते. शेवटी श्री. सतीश घाटगे यांनी पुढाकार घेऊन ही वस्ती प्रकाशात आणली. यावेळी, रोहित्र बसविण्यासाठी श्री. राजेंद्र छल्लारे यांच्या माध्यमातून सातत्यपूर्ण पाठपुरावा करणारे श्री. अंगद मिर्दुडे व त्यांच्या सहकाऱ्यांचा सतीश घाटगे यांच्या हस्ते सत्कार करण्यात आला.
याप्रसंगी समृद्धीचे व्हाईस चेअरमन श्री. महेंद्र मेठी, डॉ. रमेश तारगे, प्रल्हाद जिजा सोळुंके, बाजार समितीचे उपसभापती अरुण घुगे, संचालक केदार राठी, रामेश्वर माने, बाबासाहेब दखने, बंडू मुंडे, प्रेमानंद उढाण, भागवत उढाण, बाळासाहेब नाझरकर, बाबुराव वाळेकर, विजय खटके, नवनाथ डोईफोडे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.