राष्ट्रवादी काँग्रेस सामाजिक न्याय विभाग आणि मुप्टा शिक्षक संघटनेची महत्वाची बैठक यशस्वीरित्या संपन्न
जालना – राष्ट्रवादी काँग्रेस पार्टी सामाजिक न्याय विभाग आणि जालना जिल्हा मुप्टा संघटनेच्या वतीने पदवीधर मतदार नोंदणी आणि पक्ष आढावा बैठक वी.एस.एस. कॉलेजमध्ये उत्साहात पार पडली. बैठकीच्या अध्यक्षस्थानी प्रा. सुनील मगरे, प्रदेशाध्यक्ष सामाजिक न्याय विभाग उपस्थित होते, तर प्रमुख अतिथी म्हणून प्रा. शिवाजीराव मदन, प्रा. संभाजी वाघमारे, तसेच उर्दू विभागाचे खान सर उपस्थित होते.
बैठकीसाठी जालना जिल्ह्यातील संघटनेचे सर्व पदाधिकारी मोठ्या संख्येने उपस्थित होते. संघटनेचे श्री टेकाळे सर, समाधान पवार, कृष्णा तांबे, श्री खेडेकर सर, श्री पवार सर, श्री काकडे सर या सर्व मान्यवरांनी सहभाग नोंदवला.
बैठकीत संघटना बांधणी, पदवीधर मतदार नोंदणी तसेच टीईटी सक्ती यासारख्या महत्त्वपूर्ण विषयांवर सखोल चर्चा झाली. आदरणीय सुनील मगरे सर यांनी पदवीधर मतदार नोंदणीसाठी मार्गदर्शन केले आणि सर्व पदाधिकाऱ्यांना त्यांचे क्षेत्र निश्चित करून दिले. संघटनेच्या सर्व पदाधिकाऱ्यांनी एकमताने मतदार नोंदणीसाठी पूर्ण सहकार्य करण्याचा विश्वास व्यक्त केला.
शेवटी, सर्वोच्च न्यायालयाने सर्व शिक्षकांसाठी सरसकट लागू केलेली टीईटी सक्ती विरोधात मुप्टा शिक्षक संघटना सर्व शिक्षकांच्या पाठीशी उभी राहणार असल्याचा संदेश दिला आणि वेळप्रसंगी रस्त्यावर लढाईसुद्धा लढली जाईल, असा विश्वास जिल्ह्यातील शिक्षकांना दिला.
बैठकीचे सूत्रसंचालन श्री कृष्णा तांबे सर यांनी केले, तर आभार प्रदर्शन प्रा. संतोष रंजवे सर यांनी केले. सामाजिक न्याय विभागाचे जालना जिल्हा अध्यक्ष प्रभाकर घेवंदे, रमेश पाईकराव, विष्णू गवळी, सुबोध कुमार जाधव, अमोल खरात, सुनील डोळसे, भोकरदन, तसेच तालुका अध्यक्ष प्रमोद सुरडकर, संदीप पाटोळे, प्रभाकर प्रधान, राहुल आखाडे, बाबा भोसले, किसन पाटोळे, अमोल म्हस्के, गौतम गाडेकर, रवींद्र खंडागळे आणि इतर मान्यवर मोठ्या संख्येने उपस्थित होते.
एकंदरीत, आज जालना जिल्ह्यातील राष्ट्रवादी काँग्रेस पार्टी सामाजिक न्याय विभाग व मुप्टा शिक्षक संघटनेची बैठक यशस्वीरीत्या संपन्न झाली आणि पदवीधर मतदार नोंदणीला आजपासून सुरुवात करण्यात आली आहे.